zero media family planning adv

द मिथ जीरो युट्युबय्

नेवा: अनलाइन न्युज | २०७७ बैशाख २१, आइतबार १९:१३:५२

बिजयरत्न

थौंकन्हे नेपाल भाषाया संकिपा ख्यलय् चिहासंकिपाया नं बिस्कं थाय् दया वया च्वंगु दु । थ्वहे झ्वलय्  ने सं ११३४य् मच्छिन्द्र क्लबया ग्वसालय् जुउगु  नेपालभासा संकिपा नखःया निंतिं द मिथ शर्टमूभी पेजथ्री बाःछि पौपाखें न्ह्यब्वःगु खः। उगु प्याखँ नेपालभासा संकिपा नखः ११३४ य् न्हाप सिरपा त्याकेत ताःलात । थुकीया हे छगू मेगु ब्वकथं पेजथ्रीपाखें मेगु शर्ट फिल्म द मिथ जिरो दयेकल। तर द मिथ जीरो थुकीया सिक्वेल मखुसे थुकीया प्रिक्वेल अर्थात उगु प्याखँ सिबें न्ह्योनेया ब्व कथं दयेकुगु खः। थुगु संकिपाया निर्माता नरेशवीर शाक्य खःसा संकिपाया स्क्रीप्ट च्वमि व निर्देशक पेजथ्री बाःछिपौया सम्पादक दर्शनवीर शाक्य खः। संकिपाय् सहायक निर्देशन व एक्शन निर्देशन राजन शाही खःसा क्यामरा, सम्पादन व ध्वनी मनोजरत्न शाहीं याःगु खः । द मिथ जिरो चिसंकिपाया प्रोडक्शन सहायकया ज्या रानीशोभा महर्जनं याःगु खः ।

थुगु प्याखँया मेगु विशेषता कथं न्ह्यम्ह संचारकःमिपिनीगु संलग्नता दु । कलाकार कथं नविन थेच्वमि, विराजकाजी राजोपाध्याय, प्रेरणा शाक्य, अर्विन्द्र मान सिं दुसाः अले धंकी ल्यूने क्यामरा मनोज रत्न शाही, निर्देशक दर्शन वीर शाक्य व निर्माता नरेशबीर शाक्य खः । नविन थेच्वमि छम्ह रेडियो संचारकःमि खः । 

थौंकन्हेया नांजापिं कलाकार एवं पेजथ्री अवार्ड ११३७य् उत्कृष्ट मिजं कलाकार या एवार्ड त्याकुम्ह रूपेन श्रेष्ठ थक्वामि व मेम्ह लोकंह्वाम्ह मय्जु आराध्य लक्ष्मी खड्गीया जोडी दु। अले भेट्रान कलाकार राजेन्द्रमान शाक्यनं विशेष भुमिकाय् दु।

थुगु चिहासंकिपा द मिथ जीरो युट्युबय् तःगु दु ।

Categorized in कला