nepal life 2076 3 18

देसया च्यूताः

—प्रेमराज शिल्पकार

वं याइथें थ्वं याइथें
देय्या चिन्ता सुनां याइथें
नल त्वन अले द्यन
थःथः ल्वाना नेवाःत स्यन ।।

थजाः क्वजाः धइगु विभेद् भाव त्वःते मफुसा
सकल स्वनिगः छधिछप्पं याये कुतःनं मदुसा
छाय् खँ ल्हायेगु ‘नेवाःराज्यया विचाः’
खय्तेगु हुकुम खः ‘ख्यःथ्वेक नः कचाः’ ।।

भाय् नं माः थाय् नं माः
हःसा यक्वः अधिकार नं माः
मलाः मलाः जितः लाहे मलाः
नेवाः राजनीति लगेज्वी मलाः ।।

नखःचखःया नामं रसरंगे भुले जुया
फुइ क्यनेया नामं छेँ बुँ तिसा मिया
देसय् च्वनेतः थःपिं मन्त, छु जुल जात्रा
देगःलय् द्यः नं ख्वलः नेवाःपह ताःपना ।।