nepal life 2076 3 18

देउवा सरकारय् इन्ट्री जुइत्यंपिं भाग्यमानीपिं सु सु खः ?

नेवा: अनलाइन न्युज – ललेन्द्र शाक्य | २०७८ आश्विन २०, बुधबार १२:४०:३०

सत्ता गठबन्धनदथुइ मन्त्रालय भागबण्डाया ज्या क्वचायेधुंकाः न्हूपिं जुइपिं मन्त्रीपिनिगु धलः दलतसें तयार यानाच्वंगु दु । गुलिखे नां निश्चित जुइधुंकूसां नं सुं सुंया नां बारे अझ नं गृहकार्य जुयाच्वंगु दनि ।

नेपाली कांग्रेसं स्वम्ह मन्त्री व छम्ह राज्यमन्त्री दयेकेधुंकूगु दु । आः वं स्वम्ह मन्त्री थप यायेत्यंगु दुु । थप जुइपिं बरिष्ठ नेता रामचन्द्र पौडेल पक्षपाखें निम्ह व पूर्वमहामन्त्री कृष्णप्रसाद सिटौला पक्षपाखें छम्ह दु ।

नेकपा माओवादी केन्द्रपाखें मन्त्री जुइपिनिगु नां बारे थ्यंमथ्यं क्वचायेधुंकूगु दु । स्थायी कमिटी बैठक च्वनाः लिपांगु निर्णय यायेगु तयारी जूगु दु ।

नेकपा एकीकृत समाजवादीपाखें नं मन्त्री जुइपिनिगु नां निश्चित जुइधुंकूगु दु । समाजवादीं नं स्थायी कमिटी बैठक च्वनाः अनुमोदन याइगु जूगु दु ।

जनता समाजवादी पार्टीइ धाःसा आकांक्षी आपालं दूगुलिं समस्या दु । तर, अन नं नां ल्ययेगु क्वचायेत्यंगु दु ।

न्हूपिं जुइपिं सम्भावित मन्त्रीपिं :

नेपाली कांग्रेसपाखें  

डा. मीनेन्द्र रिजाल, उमाकान्त चौधरी, सुजाता कोइराला व पुष्पा भुसालमध्ये छम्ह, तेजुलाल चौधरी र राजन केसीमध्ये छम्ह  ।

नेकपा माओवादी केन्द्रपाखें

देवेन्द्र पौडेल, रामेश्वर राय यादव, अमनलाल मोदी, अन्जना विशंखे व कमला रोकामध्ये छम्ह

नेकपा एकीकृत समाजवादीपाखें

भवानी खापुङ, विरोध खतिवडा, किसान श्रेष्ठ, रामकुमारी झाँक्री, प्रेम आले

जसपापाखें

महेन्द्र राय यादव, राजेन्द्र श्रेष्ठ, मोहम्मद इस्तियाक राई, डा. सुरेन्द्र यादव, अमृता अग्रहरी व रेनु यादवमध्ये छम्ह ।

Categorized in राजनीति