Header Nepal rastra bank Adv

दुनेया शहरय् बँपसः नियन्त्रण यात

नेवा: अनलाइन न्युज – ललेन्द्र शाक्य | २०७९ श्रावण ११, बुधबार १७:२०:१६

येँ महानगरपालिकां येँया दुनेया शहर थःनेया असं, भोताहिति, जनबहाः, वंगः, न्हूसतक व क्वःनेया मरु, लगं लागाय् बँपसः चिइकेगु अभियान न्ह्याकूगु दु ।

येँ महानगरपालिकाया नगर प्रहरी बलं बँपसः चिइकेगु लिसें पसःथुवाःपिन्सं लँपु हे कब्जा यानाः पिकानातःगु पसःयात नियन्त्रणय् हःगु दु ।

म्हिगः मंगलवाः येँया असं व भोताहितिइ नगर प्रहरीं पसःसिबें पिने अप्वः थाय् कब्जा यानाः सामान ब्वयातःगु थीथी ज्वलं कब्जाय् काःगु दुसा बँपसःत चिइकेगु ज्या याःगु दु ।

बँपसः चिइकेगु अभियानयात न्ह्यःने यंकेगु नितिं मंगलवाः हे न्हूबानेश्वरय् प्लेकार्ड लिसें ‘फुटपाथ चिइकेनु, ब्यवस्थित शहर दयेकेनु धासें ¥याली पिकाःगु खः ।

Categorized in बजाः