ad prabhu

दिल्ली लिहाँ वन रअ...या प्रमुख

नेवा: अनलाइन न्युज – ललेन्द्र शाक्य | २०७७ कार्तिक ६, बिहिबार १३:५०:३६

भारतीय गुप्तचर संस्था रिसर्च एण्ड एनालाइसिस विंग (रअ)या प्रमुख सामन्तकुमार गोयल नेपालय् राजनीतिक हलचल मच्चेयानाः दिल्ली लिहाँ वंगु दु ।

बुधवाः न्हिनय् नेपाः वःम्ह गोयलं सुयात सुयात नापलात धैगु विषयस सरकारं सकतां सुचं गोप्य तःगु दु ।

भारतीय गुप्तचर प्रमुख गोयलया पुचः विहिवाः सुथय् त्रिभुवन अन्तर्राष्ट्रिय विमानस्थलय् खनेदूगुलिं दिल्ली लिहाँवंगु प्रमाणित जूगु खः ।

त्रिभुवन अन्तराष्ट्रिय विमानस्थल सुरक्षा स्रोतया कथं आईएफबी ६०४५ कल साइनया चार्टर्ड उडानपाखें इपिं स्वदेश लिहाँ वंगु खः ।

सत्तारुढ नेकपाया हे सचिवालयया नेतापिं गुप्तचर प्रमुखया भ्रमणबारे अन्योलय् दु । कार्यकारी नायः प्रचण्ड, बरिष्ठ नेता माधवकुमार नेपाल, प्रवक्ता नारायणकाजी श्रेष्ठ लिसेलिसेंया पिन्सं पत्रपत्रिका ब्वनाः भारतीय गुप्तचरया नेपाः भ्रमणबारे सीइकूगु खः ।

Categorized in राजनीति