Header Nepal rastra bank Adv

दिल्लीया फुक्क स्कूल अनिश्चितकालया नितिं बन्द

नेवा: अनलाइन न्युज – ललेन्द्र शाक्य | २०७८ मङ्सिर १६, बिहिबार १६:४२:३०

भारतया राजधानी न्हूदिल्लीया फुक्क स्कूल अनिश्चितकालया नितिं बन्द याःगु दु ।

बिहिवाः दिल्लीया वातावरणमन्त्री गोपाल राय नं सशरया वायु प्रदूषण खराब जुजुं वनेधुंकाः शुक्रवाःनिसें फुक्क स्कूल बन्द यायेगु धाःगु दु ।

मन्त्री राययात उदृत यासें भारतीय समाचार माध्यम एएनआई नं च्वःगु दु, ‘सहरया वायु प्रदूषणया अवस्थाया हुनिं दिल्लीया फुक्क स्कूल शुक्रवाःनिसें मेगु सुचं मवःतले तकया नितिं बन्द यायेगु जुइ ।’

भारतया सर्वोच्च अदालतं स्यनावंगु वायु प्रदूषण दथुइ मचातय्गु निर्ति भौतिक कक्षा संचालन यायेगु केजरीवाल नेतृत्व सरकारया आलोचना यायेधुंकाः शुक्रवाःनिसें फुक्क स्कूल बन्द यायेत्यंगु खः ।

बुधवाः अदालतं ‘वयस्कपिन्सं छेँय् हे च्वनाः ज्या यानाच्वंगु इलय् मचातय्त धाःसा स्कूल वनेत वाध्य याःगु’ धासें दिल्ली सरकारयात न्ह्यसःचिं थंगु खः । लिपांगु छुं वाः थुखे दिल्लीया वायु प्रदूषणय् छुं सुधार मवःगु नं अदालतया धापू दु ।

अथेहे, अदालतं केन्द्र सरकारयात २४ घौ दुने वायु प्रदूषण नियन्त्रण सम्बन्धी योजना हयाः कार्यान्वयन यायेत तकं धाःगु दु ।

Categorized in अन्तर्राष्ट्रिय