nepal investment baink

दिलीप रायमाझीया म्ह्याय् दिव्या ‘एक्टर’ संकिपाय् म्हितीगु

नेवा: अनलाइन न्युज – ललेन्द्र शाक्य | ने.सं. ११४४ सिल्लागा पंचमी

नेपाली संकिपाया अभिनेता दिलीप रायमाझीया म्ह्याय् दिव्या रायमाझी संकिपा ‘एक्टर’य् अनुबन्धित जूगु दु ।

बिहिवाः येँय् निर्मातालिसे दिव्याया पाखें वया अबु दिलीप रायमाझी व मां मञ्जु रायमाझीं ल्हाःचिं तःगु दु ।

दिव्या धाःसा अमेरिकाय् आखः ब्वनाच्वंगु दु । थ्व संकिपाय् थ्वसिबें न्ह्यः प्रदीप खड्का, आना शर्मा व राजबल्लभ कोइराला तकं अनुबन्धित जुइधुंकूगु दु ।

बैशाखनिसें छायांकन ज्या न्ह्याइगु उगु संकिपाया प्रदर्शन कार्तिक १५ गते जुइगु जानकारी ब्यूगु दु ।

निर्मातां बिहिवाः टिजर पोस्टर सार्वजनिक यासें संकिपायात उगु तिथिइ हयेगु घोषणा तकं याःगु दु ।

छुं दिं दुने न्ह्याइगु संकिपाया कार्यशालाय् दिव्यां नं सहभागिता प्वंकीगु जूगु दु । संकिपाय् दिव्याया मू भूमिका जुइगु जानकारी ब्यूगु दु । निम्ह अभिनेत्रीमध्ये आना शर्मा नं छम्ह खः ।

थ्व संकिपायात राजन भुसालं निर्देशन व थमन भण्डारीं निर्माण याइगु जूगु दु । ‘पण्डित बाजेको लौरी’ लिपा अदृत फिल्म्सया थ्व निगूगु प्रोजेक्ट खःसा थुगु संकिपाया सह–निर्माताय् एनिस भुसाल दु ।

निर्माण पक्षया कथं दिव्यां भर्चुअल खँल्हाबल्हा लिपा संकिपाय् ज्या यायेत सहमति प्वंकूगु खः । दिव्यां संकिपाया बाखं व थःगु भूमिका येकेधुंकाः उगु संकिपाय् ज्या यायेत राजी जूगु धाःगु दु । दिव्या आः थ्वहे संकिपाया नितिं छुं वाः न्ह्यः नेपाः वइगु जूगु दु ।
थुगु संकिपाय् नरेन्द्र मैनालीया छायांकन व रित बोहरा ग्वाहालिमि निर्देशकया रुपं च्वंगु दु ।

Categorized in कला