Mohanai 2078 KTM

दिलकुमार बाराहीयात “झान्जु अन्तर्राष्ट्रिय अवार्ड” लःल्हात

नेवा: अनलाइन न्युज – Bijay Ratna | २०७८ आश्विन २२, शुक्रबार १३:३८:०२

दक्षिण कोरियां हलिंन्यकंया अमूर्त सांस्कृतिक सम्पदा प्रवर्द्धन यायेत दँय् दसं बिइगु ‘झान्जु अन्तर्राष्ट्रिय अवार्ड’ थुगुसिइ बुंगद्यःया रथ दयेकेज्याया सिंज्याय् थःगु कला न्ह्यब्वःया वयाच्वंपिं बाराही पुचःया नायः दिलकुमार बाराहीयात बिउगु दु।

झान्जु नगरं बिइगु झिद्वः अमेरिकी डलर नापंया थुगु अवार्ड बिहिवाः बहनी भर्चुयल माध्यमं जुउगु ज्याझ्वलय् बाराहीयात लःल्हागु खँ मोनालिसा महर्जनं जानकारी बियादिल।

पोर्चुगलया डी इभोरा विश्वविद्यालयपाखें सम्पदा संरक्षणय् पिएचडी यानादीम्ह मोनालिसा महर्जनं दिलकुमार बाराहीया लागि अन्तर्राष्ट्रिय प्रतिस्पर्धाय् सामेल यायेत फुक्कं प्रक्रिया यानादिगु खः।

थुगुसिइ थुगु अवार्ड नेपाल नापं इटाली व ताजिकिस्तानयात नं बिउगु दु ।

Categorized in अन्तर्राष्ट्रिय