ad prabhu

दार्चुलाय् चलखं ल्हानाः निम्ह सित, न्याम्ह घाःपाः

नेवा: अनलाइन न्युज – ललेन्द्र शाक्य | २०७७ आषाढ १५, सोमबार ११:५३:२१

दार्चुलाय् चलः (पहिरो) कुतुंवःगु दु । उगु चलखं ल्हानाः निम्ह मनू सीगु दुसा मेपिं न्याम्ह घाःपाः जूगु दु ।

नौगाड गाउँपालिका ४ होपरीइ चलखं छेँ ल्हानाः ४ दँया सुशान्त महता व वया अबु २५ दँया चन्द्रसिंह महता सीगु जिल्ला प्रहरी ज्याकुथि दार्चुलां जानकारी ब्यूगु दु ।

चलखय् लानाः मेपिं न्याम्ह घाःपाः जूगु दु । चनमती महताया अवस्था तच्वः जुयाच्वंगु जिल्ला प्रहरी ज्याकुथि दार्चुलाया प्रहरी निरीक्षक सुरेन्द्र जोशीं जानकारी ब्यूगु दु ।

आइतवाः चान्हय् जलविद्युतया नहर दुनाः कुतुंवःगु चलखं मेगु स्वखचा छेँय् नं क्षति याःगु जोशीं जानकारीं ब्यूगु दु ।

Categorized in दुर्घटना-अपराध