2565 buddha Jayanti ADV

दाङय् प्रहरी भ्यानं ठक्कर नकाः मनू स्यात

नेवा: अनलाइन न्युज – ललेन्द्र शाक्य | २०७८ जेठ २८, शुक्रबार १२:५३:२८

प्रहरीया भ्यानं ठक्कर नकाः दाङय् छम्ह मनू स्याःगु दु ।

पूर्वपश्चिम राजमार्ग अन्तर्गत दाङया राप्ती गाउँपालिका वडा ल्याः २ लालमटियाय् बिहिवाः चान्हय् १२ ता इलय् प्रहरी भ्यानं ठक्कर बियाः मनू स्याःगु खः । उगु दुर्घटनाय् थ्यंमथ्यं ३५ दँ दुम्ह मिजं सीगु खः ।

भे१प ८४२२ ल्याःया मोटरसाइकलय् वयाच्वंम्ह उम्ह मिजंयात प्रहरीया लुअच ५३३४ ल्याःया भ्यानं ठक्कर नकूगु खःसा ठक्करं मनू व मोटरसाइलक छ्वम्हुयाः विद्युतया पोलय् छ्यं न्याःवंगु खः । मोटरसाइकल चालक घटनास्थलय् हे सीगु जिल्ला प्रहरी ज्याकुथि दाङं जानकारी ब्यूगु दु ।

जिल्ला प्रहरी प्रवक्ता डिएसपी मुकुन्दप्रसाद रिजालया कथं प्रहरीया उगु न्हूगु गाडी येँपाखें जिल्ला प्रहरी ज्याकुथि बाँकेपाखे यंकाच्वंगु इलय् उगु दुर्घटना जूगु खः । इलाका प्रहरी ज्याकुथि भालुवाङया प्रहरी प्रमुख लिसें प्रहरी निरीक्षक भुवन भट्टं सीम्हेसिगु म्हसीका सीमदुनिगु जानकारी ब्यूगु दु ।

Categorized in दुर्घटना-अपराध