nepal investment baink

दाङय् जीप दुर्घटना : छम्ह सित, १६ म्ह घाःपाः

नेवा: अनलाइन न्युज – ललेन्द्र शाक्य | २०७८ कार्तिक २२, सोमबार १३:३१:११

ने.सं. ११४२ कछलाथ्व चौथि सोमवाः/दाङया बबइ लागाय् जीप दुर्घटना जुयाः छम्ह मनू सीगु दु ।

सीम्ह सल्यानया कालिमाटी गाउँपालिका ३ या थ्यंमथ्यं ४० दँया देवबहादुर सुनार जूगु प्रहरीं जानकारी ब्यूगु दु ।

सीम्ह सुनार जीपया मालिक खः । सल्यानया कालिमाटीपाखें दाङया बबइ गाउँपालिकापाखे वनाच्वंगु भे१ज ५२२ ल्याःया जीप दुर्घटना जुयाः मेपिं १६ म्ह यात्रु घाःपाः जूगु दु ।
इलाका प्रहरी ज्याकुथि तुलसीपुरया प्रमुख डिएसपी श्यामु अर्यालया कथं घाःपाः जूपिं स्वम्हेसिगु अवस्था तच्वः जूगु दु ।

दाङया बबइ गाउँपालिका ३ ठाडो खुसिइ सुथय् ९ ता ईपाखे जीप दुर्घटना जूगु व चालक फरार जूगु जिल्ला प्रहरी ज्याकुथि दाङया एसपी सुरेशप्रसाद काफ्लें जानकारी ब्यूगु दु ।

सामान्य घाःपाः जूपिन्त वासः यायेगु नितिं तुलसीपुर छ्वःगु व तच्वकं घाःपाः जूपिन्त हेलिकोप्टरपाखें येँय् छ्वयाहःगु प्रहरीं जानकारी ब्यूगु दु ।

Categorized in दुर्घटना-अपराध