2565 buddha Jayanti ADV

दाउन्नेय् बस दुर्घटना : प्यम्ह सित, ४० म्हसिबें अप्वः घाःपाः

नेवा: अनलाइन न्युज – ललेन्द्र शाक्य | २०७८ जेठ ५, बुधबार ११:०४:५७

नवलपरासी पश्चिम पूर्व–पश्चिम राजमार्ग अन्तर्गत पश्चिम नवलपरासीया दाउन्नेय् थौं यात्रुबस दुर्घटना जुयाः प्यम्ह सीगु दु । बस सतकं क्वय् कुतुंवनाः दुर्घटना जूगु खः ।

येँपाखें रुकुम पश्चिमया नितिं वंगु ना५ख २७१३ ल्याःया यात्रुबाहक बस दाउन्नेया खुर्सानी खुसिपाखें सतकं डेढ सय मिटर क्वय् कुतुंवंगु प्रहरी नायव उपरीक्षक राजु लामां जानकारी ब्यूगु खः । प्यम्हेसिगु घटनास्थलय् हे ज्यान वंगु खः ।

सीपिंमध्ये रुकुम पश्चिमया त्रिवेणी गाउँपालिकाया २७ दँया कल्पना पुनया जक सनाखत जूगु दु ।

घाःपाः जूपिनिगु उद्धार यानाः चिसापानी अस्पताल बर्दघाटय् हःगु दु । बसय् च्वंपिं ४० म्हसिबें अप्वः यात्रु घाःपाः जूगु प्रहरीं जानकारी ब्यूगु दु । घाःपाः जूपिंमध्ये गुलिंसिगु अवस्था तःच्वः जुयाच्वंगु दु ।

तच्वकं घाःपाः जूपिन्त वासः यायेगु नितिं बुटवल यंकूगु प्रहरीं जानकारी ब्यूगु दु ।

(नागरिक न्हिपौपाखें)

Categorized in पत्रपत्रिका