zero media family planning adv

दथुइ हे विश्वविद्यालय त्वःतूम्ह साहित्यकार लियो टाइल्सटा

२०७३ आश्विन १५, शनिबार १६:४९:५०

लियो टाइल्सटाययात झीसं नांजाःम्ह साहित्यकारया कथं जक म्हस्यू । रुसय् सन् १८२८ स निसें १९१० तक म्वानावंम्ह लियो टाइल्सटाय शिक्षक, मचा सफू च्वइम्ह च्वमि व मानवतावादी शिक्षाया प्रणेता नं खः धैगु अप्वः मनूतसें मस्यू । वास्तवय् मचातय्गु स्वतन्त्रता, सक्रियता व सृजनायात ब्वलंकेगु नितिं मानवतावादी शिक्षाशास्त्री टाइल्सटाय् नं थःगु इलय् शिक्षाय् न्हून्हूगु प्रयोग यानाः तहल्का हयादीगु खः ।
 
लियो टाइल्सटाय विश्वविद्यालयया प्राध्यापक जुयाः वा डाक्टरया डिग्री कयाः महान शिक्षाशास्त्री जुयादीगु धाःसा पक्कां मखु । वय्कः मचाबलय् शिक्षक पोलोन्स्कीतं तःक्वः धयादीगु खः, लियो टाइल्सटाय नं न आखः ब्वनेगु इच्छा याइ न त ब्वने हे फइ । तर बास्तविकता धाःसा पाय्छि थुकिया अःखः जुल ।

आखः ब्वने मंमदुम्ह, सयेके सिइके मफइम्ह धकाः धयातःम्ह टाइल्सटायं विश्वविद्यालयस्तरतक आखः ब्वन तर वय्कलं कजान विश्वविद्यालयया अध्ययन यात, दथुइ त्वःतादिल । अन आखः ब्वब्वं वय्कःयात ताल, अनया शिक्षक, प्राध्यापकपिनिगु लेक्चर रोचक व ज्ञानबद्र्धक मजू । अथेहे, पाठ्यपुस्तक नं गहन व विस्तृतरुपं मदु । वय्कलं धयादिल, खः जिं ज्ञान पिपाशाया कारणं जिं विश्वविद्यालय त्वःता । टायल्सटाय नं शिक्षक व प्राध्यापकपिन्सं निरश व वार्षिकउत्सव लेक्चरसिबें अप्वः स्वअध्ययन पाखें सीकेफइगु दृढताया नापं पाठ्यपुस्तकया दुने सुलाच्वंगु ज्ञानसिबें ज्ञान व शिक्षा कायेगु अठोट यानाः दथुइ हे विश्वविद्यालय त्वःतादीगु खः ।
 
 
 
 
 

थःगु हे कथंया अध्ययन व विस्तृत स्वअध्ययनया भरय् जीवन व जगतया अनुभव व अनुसन्धानया आधारय् लिपा वय्कः महान साहित्यकार व प्रख्यात शिक्षाशास्त्री जुयादीगु खः ।
शिक्षा व साहित्यया क्षेत्रय् प्रख्यात जुयाः मृत्युया इलय् थ्यनेधुंकाः वय्कलं च्वयेगु, ब्वनेगु, सिइकेगु व थुइकेगु खँय् थः अझ नं ज्ञान काये मफुनिगु थुकिया नितिं निरन्तरताया आवश्यकता दूगु खँ तयादीगु खः ।

स्कूल, क्याम्पस व विश्वविद्यालयया औपचारिक शिक्षायात हे सकतां ज्ञानया स्रोत थुइकेगु पुलांगु मानसिकता दुपिं झीसं महान साहित्यकार व प्रख्यात शिक्षाशास्त्री लियो टाइल्सटायया जीवनीपाखें छुं सयेकेगु व सिइकेगु खः कि ?
विश्वविख्यात सफलताया सफूपाखें