nepal investment baink

दक्षिण अफ्रिकाय् बस दुर्घटना : ४५ म्ह सित, च्यादँ दुम्ह छम्ह मिसामचाया उद्धार

नेवा: अनलाइन न्युज – ललेन्द्र शाक्य | ने.सं. ११४४ चिल्लागा चौथी (२०८० चैत्र १६ गते) शुक्रवाः

दक्षिण अफ्रिकाय् बस दुर्घटना जुयाः ४५ म्ह मनूत सीगु दु ।

दुर्घटना जूगु थासय् च्यादँ दुम्ह छम्ह मिसामचा धाःसा म्वानाच्वंगु अवस्थाय् लुयावःगु दु । मचायात घाःपाः जूगु अवस्थाय् उद्धार यानाः अस्पताल भर्ना याःगु दु ।

बोत्स्वानाया राजधानी गेबोरोनपाखें इस्टर न्यायेकेत मोरिया शहरपाखे वनाच्वंपिं बिहिवाः दुर्घटनाय् लाःगु खः । इपिं च्वनावंगु बस अनियन्त्रित जुयाः पहाडय् ठक्कर नयाः पुलं थ्यंमथ्यं ५० फिट क्वय् गालय् कुतुंवंगु खः । वधुंकाः बसय् मिँ च्याःगु खः ।

दुर्घटना जूगु थाय् जोहानेसवर्गपाखें थ्यंमथ्यं ३ सय किलोमिटर उत्तर पहाडी क्षेत्रय् लाः ।

Categorized in अन्तर्राष्ट्रिय