nepal investment baink

दक्षिणपूर्वी गाजाय् इजरायली हमला : २१ म्ह सित

नेवा: अनलाइन न्युज – ललेन्द्र शाक्य | ने.सं. ११४४ सिल्लागा खस्थि (२०८० चैत्र २ गते)

गाजा सहरय् ग्वाहालिया नितिं पियाच्वंपिं विस्थापित प्यालेस्टिनी भेला जूगु थासय् इजरायलं याःगु आक्रमणय् लानाः कम्ती नं २१ म्ह प्यालेस्टिनी सीगु प्यालेस्टिनी स्वास्थ्य मन्त्रालयं शुक्रवाः जानकारी ब्यूगु दु ।

उगु घटनाय् १५० म्ह घाःपाः जूगु प्रत्यक्षदर्शीपिन्सं धाःगु दु ।

प्यालेस्टिनीपिनिगु छगू पुचः ग्वाहालि कायेगु नितिं मुनाच्वंगु थासय् हेलिकोप्टरपाखें मेसिन गन छ्यलाः आक्रमण जूगु स्थानीयपिन्सं धाःगु दु ।

घटनास्थलया अवस्था चुनौतीपूर्ण जूसां नं सीपिन्त उद्धार यायेगु व घाःपाः जूपिन्त पिकायेगु कुतः जुयाच्वंगु विज्ञप्तिइ न्ह्यथनातःगु दु ।

घाःपाः जूपिंमध्ये सुं सुं तच्वः जूग्ु अवस्थाय् दूगु हुनिं सीपिनिगु ल्याः थप अप्वयेफूगु अनुमान याःगु दु ।

इजरायली प्रतिरक्षा बल (आईडीएफ)पाखें शुक्रवाः दक्षिणी गाजाय् प्यालेस्टिनीपिन्त लक्षित यानाः थः सेनां सशस्त्र कारवाही याःगु धैगु बुखँया खण्डन याःगु दु ।

Categorized in अन्तर्राष्ट्रिय