city axpris 2

दक्षिणपश्चिम पाकिस्तानय् विस्फोट : निम्ह सुरक्षाकःमि सित, च्याम्ह घाःपाः

नेवा: अनलाइन न्युज – ललेन्द्र शाक्य | ने.सं. ११४४ पोहेलागा चःह्रे

पाकिस्तानया दक्षिणपश्चिम बलुचिस्तान प्रान्तय् बिहिवाः न्हिनय्जूगु विस्फोटय् लानाः कम्ती नं निम्ह सुरक्षाकःमि सीगु दुसा च्याम्ह घाःपाः जूगु आधिकारिक स्रोतं धाःगु दु ।

प्रान्तया खारान जिल्लाया लिजजय क्षेत्र लिक्क अर्धसैनिक बलया गाडीइ आक्रमण जूगु सरकारी अधिकारीं सिन्ह्वायात धाःगु दु । आम चुनावया नितिं जिल्लाय् दूगु मतदान केन्द्रया सुरक्षाय् सुरक्षाकःमिपिं तैनाथ याःगु खः ।

आक्रमणलिपा उद्धार पुचः प्रहरी व सुरक्षा बल घटनास्थलय् थ्यंकाः घाःपाः जूपिन्त लिक्क च्वंगु अस्पतालय् यंकूगु खः ।

स्थानीय प्रहरीं सतक सिथय् इम्प्रोभाइज्ड विस्फोटक उपकरण तयातःगु व रिमोट नियन्त्रित उपकरणं विस्फोट याःगु धाःगु दु ।

आःतक छुं नं पुचलं आक्रमणया जिम्मेवारी काःगु मदुनि ।

Categorized in अन्तर्राष्ट्रिय