थौं सापारु ः यलय् धंल्या (किपाः स्वयादिसँ)
सापारुया दिं यलय् धंल्या जुयाः थौं यलया गुइत्वाःया धंल्या हितिइ आपालं भक्तजनपिनिगु हुलमुल जुयाच्वंगु दु ।
धंल्या हितियात मनूत सीधुंकाः दकलें लिपा लः त्वनीगु हिति खः धइगु जनविश्वास दु ।
सापारुया दिं धल्यां हितिइ मनूतसें सीपिनिगु लुमन्तिइ मत च्याकाः मदुपिं सुखावती भुवनस बास लायेमा धकाः कामना याइगु न्हापांनिसें न्ह्यानाः वयाच्वंगु दु ।
अथेहे, यलया गुइत्वालय् गुन्हुपुन्हीनिसें गुइतः नकिंचा ब्वइगु व बुद्धया किपाः नं ब्वइगु चलन दु ।
थ्वहे झ्वलय् धंल्याखुन्हु थौं सापारुया दिं, तंगः, चकुवाद्यःथाय् घ्यःदेवा मत च्याकाः सीपिनिगु लुमन्तिइ सुखावती भुवनस बास लायेमा धकाः कामना याइगु प्रचलन नं दु ।
तंगःबहाःया चुकबहालय् आपालं मनूतसें घ्यःदेवा च्याकेगु यानाच्वंगु दु ।
थौं सापारुया दिं जुयाः यलय् नं सायाः जात्रा न्ह्यानाच्वंगु दु ।
(किपाः नेवाः अनलाइन न्युज)
