dudha jayanti 2568

थौं शुक्रवाः निद्वः व प्यसः तका थाहाँ वन लुँया भावय्

नेवा: अनलाइन न्युज – ललेन्द्र शाक्य | ने.सं. ११४४ चिल्लाथ्व चौथी (२०८० चैत्र ३० गते) शुक्रवाः

बिहिवाः तोलाय् निसः तका क्वाहाँ वःगु लुँ थौं शुक्रवाः हाकनं न्हूगु उचाईस थ्यंगु दु ।

न्ह्यःया दिंया तुलनाय् थौं शुक्रवाःया दिं लुँ तोलाय् निद्वः व प्यसः तका दां थाहाँ वंगु दु ।

बिहिवाः तोलाया १ लख ३६ हजार ६ सय तकां लुँया कारोवार जूगु खः । थौं शुक्रवाः तोलाया १ लख ३९ हजार तका दां कायम जूगु नेपाल सुनचाँदी व्यवसायी महासंघं जानकारी ब्यूगु दु ।

अथेहे, वहःया मू तोलाय् ५० तका दां थाहाँ वंगु दु । बिहिवाः तोलाया १ हजार ७ सय तकां कारोवार जूगु वहः थौं शुक्रवाः १ हजार ७ सय ५० तका कायम जूगु महासंघं जानकारी ब्यूगु दु ।

Categorized in बजाः