ad prabhu

थौं बहनी ७ ता इलय् नेपाः च्यानल व हाइलाइट्स नेपालय् भुतुमाली...ब्वइगु

नेवा: अनलाइन न्युज – ललेन्द्र शाक्य | २०७७ कार्तिक ६, बिहिबार १२:३३:५०

म्येहालामि सुमन मानन्धरया सलं थ्वयाच्वंगु ...भुतुमाली...बोलया म्येया म्यूजिक भिडियो थौं बिहिवाः बहनी ७ ता इलय् नेपाः च्यानल व हाइलाइट्स नेपाल यूट्युब च्यानलय् प्रसारण जुइगु जानकारी थुगु म्यूजिक भिडियो निर्माण पुचःया प्रोडक्सन म्यानेजर राज महर्जनं बियादीगु दु ।

बरिष्ठ म्येच्वमि प्रकाश दीप श्रेष्ठया च्वसां पिज्वःगु थुगु म्येयात नांजाःम्ह संगीतकःमि जुगल डंगोलं लसय् हनातःगु दुसा वय्कलं हे संगीत संयोजन यानादीगु दु ।

थौंकन्हय् बय् बय् जुयाच्वंम्ह किपूया सरीता बज्राचार्यया मू भूमिका दूगु थुगु ...भुतुमाली...म्यूजिक भिडियोय् रुजन महर्जन, रिज्ञा महर्जन, निष्मा महर्जन, प्रबिशा महर्जन, लूनिभभा मानन्धरपिन्सं नं अभिनय यानातःगु दु ।

थुगु म्येया कोरियोग्राफी कलाकार सरीता बज्राचार्यं हे यानातःगु दु ।

किपूया हे प्रदीप खड्गीया निर्देशन व सम्पादन दुथ्याःगु ...भुतुमाली...म्यूजिक भिडियो रकी महर्जनं क्यामेरा पर्सनया भूमिका म्हितातःगु दुसा अमन महर्जन असिस्टेन्ट क्यामरा पर्सन कथं दु ।

थौं बहनी ७ ता इलय् सार्वजनिक जुइगु ...भुतुमाली...म्यूजिक भिडियो छगू न्हूगु पहः कथं निर्माण जूगु जानकारी प्रोडक्सन म्यानेजर राज महर्जनं नेवाः अनलाइनन्यूजयात बिसें थौं बहनी ७ ता इलय् नेपाः च्यानल व हाइलाइट्स नेपाल यूट्यूब च्यानल स्वयेत सकलसित इनाप याःगु दु ।

Categorized in कला