नेवा: अनलाइन न्युज | २०८० भाद्र २७, बुधबार १०:५५:०६

नेकपा एमालेया न्वकू लिसें संविधानसभाया नायः सुवासचन्द्र नेम्वाङया सीम्ह श्रद्धाञ्जलिया नितिं थौं बुधवाः न्हिनय्तक यलया च्यासलय् च्वंगु पार्टी केन्द्रीय ज्याकुथिइ तइगु जूगु दु ।

नेम्वाङवा सीम्हय् थौं बुधवाः सुथय् ९ ता ईनिसें न्हिनय् १ ता ईतक श्रद्धाञ्जलि प्वंकेगु नितिं च्यासलय् हे व्यवस्था याःगु दु ।

एमाले प्रचार विभाग सचिव गगन विष्टया कथं नेम्वाङया सीम्ह न्हिनय्तकं च्यासलय् तयाः वयां लिपा नेम्वाङया बालुवाटारय् च्वंगु निवासय् तइगु जूगु दु । अन नेम्वाङप्रति थःथितिपिं, पासाभाईपिं व छेँजःया दुजःपाखें अन्तिम श्रद्धाञ्जलि देछाइगु ज्याझ्वः तःगु दु ।

विदेशं कायपिं वयेधुंकाः नेम्वाङया अन्त्येष्टि कन्हय् बिहिवाः राजकीय सम्मानया लिसें पशुपति दीपय् याइगु जूगु दु ।

एमालें नेम्वाङया सम्मानय् स्वन्हुतक पार्टीया ध्वाँय् बच्छि क्वःछुकेगु निर्णय याःगु दु ।

Categorized in राजनीति