nepal investment baink

थौं तिंख्यलय् छाय् सल ब्वाकी ?

सरकारया उच्च पदाधिकारीपिं लिसेलिसें तिनिख्यः छचाःख्यलं यक्व मनूत वयाः स्वःवयेगु याइ । थ्वबलय् सल ब्वाकाः धेंधेंबल्ला नं यायेगु याइ । थथे सलाः ब्वाकाः धेंधेंबल्ला यायेगु परम्परा जंगबहादुर बेलायतं लिहां वयेधुंकाः जक जूगु खः ।

देसया मौलिक जात्रा पर्व पाहाँचःह्रेया कन्हय्कुन्हु अर्थात् चैत्र कृष्ण अमाइकुन्हु येँया तिनिख्यलय् सल ब्वाकाः जात्रा यायेगु याइ । थ्वबलय् राष्ट्र प्रमुखतकं तिंख्यलय् वयाः नेपाली सेनां न्ह्यब्वइगु सलः ब्वाकीगु जात्रा अर्थात् घोडेजात्रा स्वयेगु परम्परा दु ।

थ्वबलय् सरकारया उच्च पदाधिकारीपिं लिसेलिसें तिनिख्यः छचाःख्यलं यक्व मनूत वयाः स्वःवयेगु याइ । थ्वबलय् सल ब्वाकाः धेंधेंबल्ला नं यायेगु याइ । थथे सलाः ब्वाकाः धेंधेंबल्ला यायेगु परम्परा जंगबहादुर बेलायतं लिहां वयेधुंकाः जक जूगु खः ।

थ्व स्वयां न्हापा छम्ह हे जक सल ब्वाकेगु चलन दूगु खः । पाहाँचःह्रे व सल ब्वाकीगु बारे महाकालतन्त्र शिव वचनय् थथे न्ह्यथनातःगु दु ।

‘चैत्र कृष्ण चतुर्दशीया पिशाच चतुर्दशी धकाः धाइ । थ्वकुन्हु चान्हय् लुकुमहाद्यःयात ला, लाभा, अय्लाः–थ्वँ, लुँबुुँ वहःबुँ आदि छानाः मत बियाः मतया कुँया अजलं उलेगुलिं व कंग अजिमा लुमडी अजिमा आदि अजिमापिंथाय् देके वनाः पीठ सेवा यायेगुलिं सर्वसिद्धि लाभ जुइ । कन्हय् कुन्हु चैत्र कृष्ण अमाइकुन्हु नं पीठ पूजा यानाः व अश्वयात्रा यानाः लहड् बहड् यायेगु ज्यां यानाः भविष्ययागु अर्थात् लिपायागु खँया प्राप्त यायेफइ । अश्वयात्रा धकाः छम्ह सल ब्वाकेबलय् व सल गुलि बेगं ब्वां वनी उलि हे याकनं देसय् दुःख कस्त मदया दुःख कष्ट ब्यू वइपिं शत्रु लिचिला वनी । देसय् रोगं दुस्वः वये मफया अति सुख जुइ ।’

(प्रा.डा. चुन्दा बज्राचार्यया ‘नेवाः तजिलजि नखः चखः’ सफूपाखें ल्ह्यया)