zero media family planning adv

थौं जेष्ठ १८, हाकूगु दिं

नेवा: अनलाइन न्युज – ललेन्द्र शाक्य | २०७७ जेठ १८, आइतबार १२:२३:२०

थौंया दिं जेष्ठ १८ गते देय् न्यंकं हाकूगु दिं कथं कयातःगु दिं खः ।

थौं जेष्ठ १८ गतेया दिं नेपाःया सर्वोच्च अदालतं स्वनिगःया नेपालभाषालिसें मैथिली व थीथी मातृभाषापाखें पठनपाठन शिक्षा, बुखँ सम्प्रेषण इत्यादीइ रोक तयाः एकल भाषा खय् भाय् जवरजस्ती रुपं छ्यलेगु काननू लागू याःगु दिं खः ।

थौंया दिं जेष्ठ १८ गतेयात बहुभाषी, बहुसंस्कृतिया विभिततां जाःगु नेपाल देसयात एकल ब्रम्हु जातिवादया संरक्षण व दमनयुक्त अनिवार्यता भाषा शिक्षाया कानूनयात दँय् दसं नेवाः समुदायलिसें आदिवासी जनजाति, मधेसीपिन्सं हाकूगु दिंया रुपं लुमंकाः व विरोध यासें न्यायेकाः वयाच्वंगु दु ।

जेष्ठ १८ या हाकुगु दिंया झ्वलय् आदिवासी जनजाति एकता जुइमाःगु आह्वान यासें आइएलओ १६९ परिपालन यानाः कार्यान्वयन यायेत नं धाःगु दु ।

अथेहे, सार्वजनिक व नीजि विद्यालयस मातृभाषां पठनपाठनया व्यवस्था यायेत व मातृभाषा शिक्षाया व्यवस्था यायेत नं आह्वान याःगु दु ।

थ्वहे झ्वलय् आदिवासी जनजाति अधिकार सम्बन्धित संयुक्त राष्ट्रसंघीय घोषणा पौ कार्यान्वयन यायेत लिसें कोरोना महामारयिा इलय् नीस्वंगु सुकुम्बास िआयोग खारेज यायेत नं माग याःगु दुसा आदिवासी नेवाः सुमुदायया स्वतन्त्र अग्रिम जानकारलिसेंया मञ्जुरी विना स्वनिगलय् योजना दयेकेगु ज्या बन्द या धकाः नं आदिवासी नेवाः समुदायपाखें ख्याच्वः ब्यूगु दु ।

Categorized in राष्ट्रिय