zero media family planning adv

थौं कोभ्याक्स सुविधाया खोप नेपाः थ्यन

नेवा: अनलाइन न्युज – ललेन्द्र शाक्य | २०७७ फाल्गुण २३, आइतबार १२:२३:१९

कोरोना भाइरसविरुद्धया खोपया ३ लख ४८ हजार डोज नेपाः थ्यंकूगु दु ।

कोभ्याक्स सुविधा अन्तगृत नेपालं प्राप्त याइगु खोपया मात्रा आइतवाः सुथय् ११ः१५ ता इलय् भारतं येँय् थ्यंकूगु स्वास्थ्य व जनसंख्या मन्त्री हृदयेश त्रिपाठीं जानकारी ब्यूगु दु ।

दक्षिण एसियाली क्षेत्रीय सहयोग संगठन(सार्क)य् कोभ्याक्सपाखें नेपाःलिसें बंगलादेश व श्रीलंकां नं खोप कायेखनीगु जूगु दु । कोभ्याक्स सुविधा अन्तर्गत नेपालं २० प्रतिशत नागरिकपिन्त गाइगु खोप प्राप्त याइगु स्वास्थ्य मन्त्रालयं जानकारी ब्यूगु दु ।

अक्सफोर्ड विश्वविद्यालय व एस्ट्राजेनेकां विकास याःगु उगु खोप नं भारतया सिरम इन्ष्टिच्युटं उत्पादन याःगु खः ।

चीनं बिइगु धाःगु ८ लख खोप नं याकनं हे नेपाः थ्यनीगु मन्त्रालयं जानकारी ब्यूगु दु ।

Categorized in बजाः