nepal investment baink

थौं आइतवाः अस्तमि, सुथय् ७ः४७ ता इलय् येँय् चीर स्वाइगु परम्परा क्वचाल, होलि शुभारम्भ जुल

नेवा: अनलाइन न्युज – ललेन्द्र शाक्य | ने.सं. ११४४ सिल्लागा अस्तमि (२०८० चैत्र ४ गते) आइतवाः

थौं आइतवाः ने.सं. ११४४ चिल्लाथ्व अस्तमिया दिं न्ह्यःने वयाच्वंगु होलि नखःया लसताय् चीर स्वाइगु परम्परा क्वचाःगु दु ।

नेपाल पंचाङ्ग निर्णायक विकास समितिं चीर स्वाइगु साइत सार्वजनिक याःगु खः । समितिया कथं थौं आइतवाः सुथय् ७ः४७ ता ईया साइतय् चीर स्वायेगु ज्याझ्वः न्ह्याकूगु खः ।

थ्व चीर होलिपुन्हीकुन्हु क्वःथलेमाःगु परम्परा दु । समितिं ब्यूगु साइत कथं वइगु चैत्र १२ गते चान्हय् अर्थात् कन्हय् कुन्हु सुथय् चीर क्वःथली । होलि नखः क्वचायेधुंकाः थथे क्वःथलीगु चीर तिंख्यलय् वायेयंके माःगु परम्परा दुसा थथे वायेयंकूगु चीरयात तिंख्यलय् तयाः हे छ्वयेके माःगु परम्परा नं दु ।

थौं आइतवाः थथे चीर स्वायेगु ज्या जुइधुंकाः थौं आइतवाःनिसें हे होलि पर्व शुभारम्भ जूगु दु ।

Categorized in राष्ट्रिय