Header Nepal rastra bank Adv

थौंनिसें पशुपति देगः अनिश्चितकालीन बन्द, शुक्रवाःनिसें मनकामना नं बन्द

नेवा: अनलाइन न्युज – ललेन्द्र शाक्य | २०७८ माघ ५, बुधबार १२:२८:५५

कोरोना संक्रमणया जोखिमया हुनिं पशुपतिनाथ देगलय् दर्शनार्थीपिन्त रोक तःगु दु । थौं बुधवाःनिसें माघ मसान्ततक देगः, मस्जिद, गुम्बा, चर्च लिसेंया धार्मिक थासय् नित्यपूजा, ध्यान व प्रार्थना जक यायेदइगु प्रशासनया आदेश कथं पशुपतिइ भक्तजनपिं दुहाँ वयेगुलि रोक तःगु खः ।

पशुपति क्षेत्र विकास कोषं तकं सुचं सार्वजनिक यासें थौं बुधवाःनिसें पशुपति, गुह्येश्वरी लिसेंया पशुपति लागाया देगलय् परम्परागत नित्यपूजा बाहेकया सकतां क्रियाकलाप बन्द यानागु जानकारी ब्यूगु दु । मेगु निर्णय मवःतले आः नित्यपूजा जक जुइ ।

उखे गोरखाया मनकामना देगलय् नं वइगु शुक्रवाःनिसें भक्तजनपिं दुहाँ वयेगुलि रोक तइगु जूगु दु । देय् न्यंकं स्वंगूगु लहरया कोरोना संक्रमण अप्वयाः वयेधुंकाः संक्रमण ब्वलनेफइगु जोखिमयात ध्यानय् तयाः देगलय् दुहाँ वयेगुलि रोक तयेगु निर्णय याःगु खः ।

Categorized in स्थानिय-समाज