नेवा: अनलाइन न्युज – ललेन्द्र शाक्य | २०७७ फाल्गुण ७, शुक्रबार १४:४८:१३

वाङमय शताब्दी पुरुष अतिकं हनेबहम्ह संस्कृतिविद् डा. सत्यमोहन जोशीया गरिमा अभिवृद्धिया लागिं मन, वचन व कर्म  द्यःछानादीपिं नीगुम्ह व्यक्तित्वपिन्त थुगुसिइ ‘सत्यमोहन जोशी शताब्दी पदक’ पाखें छायपिइगु खँया त्रिमूर्ति निकेतनपाखें पितबिउगु विज्ञप्तिइ जानकारी बिउगु दु ।

थुगुसिइ नेवाःतपाखें हनेबहःपिं अजरमान जोशी, प्रा. प्रेमशान्ति तुलाधर,  राजितबहादुर श्रेष्ठ, शान्तराज शाक्यया नापनापं अनुकृतिका, अनुराधा थापा, डा. कञ्चनजङ्घा प्रसाई, कलाधर काफ्ले, कावेरी जोशी, केशवराज जोशी, ढण्डुराज घिमिरे, दुर्गा वनवासी, देवकी श्रेष्ठ, नरेन्द्रराज पौडेल, पूर्णकला लिम्बू, प्रमोद प्रधान, प्रा.डा. बालमानसिंह कार्की, मणि लोहनी, यमुना श्रेष्ठ, युवराज नयाँघरे, राजकुमार रेग्मी,  डा. लेखप्रसाद निरौला, प्रा.डा. वीणा पौड्याल,  शान्ति शर्मा, डा. शैलेन्दुप्रकाश नेपाल, प्रा.डा. सुरज बज्राचार्य, प्रा.डा. सावित्री कक्षपती, ज्ञानु अधिकारी व ज्ञानेन्द्र विवसपिन्त ‘सत्यमोहन जोशी शताब्दी पदक’ लःल्हाइगु जुउगु दु  ।

त्रिमूर्ति निकेतनया संस्थापक व अध्यक्ष श्रीमती इन्दिरा प्रसाईया नायःसुइ च्वंगु निकेतनया बैठकं थ्व खँ निणर्य याःगु खः ।

त्रिमूर्ति निकेतनपाखें थ्वसिबें  न्हापा नेपाल लगायत २५ राष्ट्रया  २२६ म्हेसित ‘सत्यमोहन जोशी शताब्दी पदक’ लःल्हायेधुंकुगु खँ  सदस्यसचिव नरेन्द्रराज प्रसाईं जानकारी बियादीगु दुसा थ्वसिबें न्हापा शशीकला मानन्धर, मदनसेन बज्राचार्य, विजयरत्न असंबरे, सुजीब बज्राचार्यपिन्त नं सत्यमोहन जोशी शताब्दी पदक लःल्हाये धुंकुगु दु ।