zero media family planning adv

थप प्यंगू कम्पनीया स्यानिटाइजरय् विषाक्त रसायन, मछ्यलेत इनाप

नेवा: अनलाइन न्युज – ललेन्द्र शाक्य | २०७७ भाद्र ३१, बुधबार १२:५१:४७

मानव स्वास्थ्यया नितिं हानिकारक मिथानोल ल्वाकज्याःगु प्यंगू कम्पनीया स्यानिटाइजर लुयावःगु दु ।

चीन व भारतं आयत जूूगु निगू कम्पनी व यल व येँया निगू कम्पनीया स्यानिटाइजर गुणस्तरहीन जूगु औषधी व्यवस्था विभागं जानकारी ब्यूगु दु । थ्वसिबें न्ह्यः न्यागू कम्पनीया स्यानिटाइजरय् नं थुज्वःगु हे रसायन लुयावःगु खः ।

नेपालय् आयात जूगु चीनय् दयेकूगु ओपकल नन वासिङ इन्टिब्याक्टेरियाल सोलुसन १२० एमएल व पामाकेयर स्टायाण्ड ह्याण्ड स्यानिटाइजर ६० एमलय् विषाक्त गुणस्तर लुयावःगु खः ।

येँय् कारखाना दूगु युनिकेयर इन्स्टयाण्ड ह्याण्ड स्यानिटाइजर ६५ एमएल व यलय् दयेकूगु सासा इन्स्टयाण्ड ह्याण्ड स्यानिटाइजर ५० एमएलय् म्हो गुणस्तर लुयावःगु विभागं जानकारी ब्यूगु दु । यूनिकेयर व सासाय् मेथानोलया मात्रा छसिंकथं ५५ प्रतिशत व ३९.३४ प्रतिशत लुयावःगु खः ।

अथेहे, चीनं वःगु ओपकलय् इथानोलया मात्रा ६८ प्रतिशत लुयावःगु दुसा भारतया गुजरातय् दयेकूगु पामाकेयार य् ६६ प्रतिशत इथानोल दूगु लुयावःगु खः ।

म्हो गुणस्तर व हानिकारक विषाक्तयुक्त स्यानिटाइजरया विक्री वितरण पनेत व बजारय् दूगु स्यानिटाइजर तुरुन्त लितयंकेत विभागं उत्पादकपिन्त आग्रह याःगु दु । गुणस्तरहीन स्यानिटाइजर मछ्यलेत विभागं सर्वसाधारणपिनत नं आग्रह याःगु दु ।

Categorized in बजाः