city axpris 2

थनी स्वन्हु पूर्वय् आपालं वा वइगु

नेवा: अनलाइन न्युज – ललेन्द्र शाक्य | २०८० आषाढ २८, बिहिबार १४:२६:५०

थनी स्वन्हु देसया पूर्वी भेगय् आपालं वा वइगु जूगु दु । जल व मौसम पूर्वानुमान महाशाखाया कथं आः मनसुनी न्यूनचापीय प्रणाली दक्षिण पूर्व व उत्तरया नेपाःपाखे केन्द्रीत जूगु दु ।

उकिं पूर्वी भूभागलिसें बागमती, गण्डकीया पोखरा लागाया छुं छुं थासय् आपालं वा वइगु सम्भावना दूगु मौसमविद् प्रतिभा मानन्धरं जानकारी ब्यूगु दु । मेमेगु लागाय् निभाः त्वसें फाट्टफुट्ट वा वइगु सम्भावना दु ।

नेपाःया वायुमण्डलय् जलवाष्पं जाःगु वायुसिबें सुख्खा वायुलिसेंया खसु जक चाःहिलाः च्वंगुलिं सरदरसिबें वा वइगु म्हो जुइगुपाखे लक्षित जूगु मानन्धरं धाःगु दु ।

भारतया उत्तर प्रदेशय् धाःसा नेपाःया तुलनाय् अप्वः वाः वयाच्वंगु दु । खण्डित रुपं अन आपालं वा वयाच्वंगुलिं खुसिबाः चलःया जोखिम अप्वयाच्वंगु दु ।

अन दुपिं नेपाःमि नागरिकपिन्त सुरक्षित जुइत दिल्लीइ च्वंगु दूतावासं इनाप याःगु दु । छुं नं प्राकृतिक विपत्ति वःसा दूतावासया सम्पर्कय् च्वनेत धाःगु दु ।

विभागया कथं २८ गते देय् न्यंकं आंशिकनिसें सामानय बदली जुइ । फुक्क प्रदेशया छुं छुं थासय् हल्कानिसें मध्यम कथंया वा वइगु सम्भावना दु ।

कोशी व सुदूरपश्चिम प्रदेशया छुं छुं थासय् नँ न्यानाः ल्हाबसा त्वयाः आपालं वा वइगु तकं सम्भावना दु ।

मधेस व लुम्बिनी प्रदेशया तराईया छुं छुं थासय् वाफय् नं वइगु सम्भावना दु ।

गोरखापत्र राष्ट्रिय न्हिपौपाखें

Categorized in पत्रपत्रिका