newayatataad 2

थक्वातय् बसया ठक्करं छम्ह मनू सित

नेवा: अनलाइन न्युज – ललेन्द्र शाक्य | २०७७ कार्तिक २५, मंगलबार ११:३१:१८

येँया पश्चिम भेगय् लाःगु चन्द्रागिरी नगरपालिका ५ वडा थक्वाः –थानकोट)य् बसं ठक्कर नयाः छम्ह मनू सीगु दु ।

थौं मंगलवाः सुथय् ४ः३० ता इलय् नम्बर सीमदुगु बसं ठक्करं नकाः बाजुरा छेँ दुम्ह थक्वातय् च्वनाः वयाच्वंम्ह ४० दँया नवीन लोहार सीगु खः ।

लोहारा तरकारी मिइतः वनाच्वंगु इलय् म्हासुगु रंगया बसं ठक्कर नकूगु खः । घाःपाः जूम्ह लोहारयात वासः यायेगु नितिं ओम समाज अस्पताल सतुंगलय् थ्यंकूगु खःसा ४ः४५ ता इलय् चिकित्सकपिन्सं सीधुंकूगु घोषणा याःगु खः ।

लोहारयात ठक्कर नकूगु बसया नम्बर सीमदुनि । छगः शंकास्पद बसयात नियन्त्रणय् कयाः अनुसनन यानाच्वंगु ट्राफिक प्रहरीं जानकारी ब्यूगु दु ।

Categorized in दुर्घटना-अपराध