prabhu baink new

त्रिशूली खुसिइ पेट्रोल ट्यांकर कुतुंवन, मिँ च्यात

नेवा: अनलाइन न्युज – ललेन्द्र शाक्य | २०७७ आश्विन ४, आइतबार ११:०९:२२

थौं आइतवाः सुथय् थ्यंमथ्यं २ ता इलय् पेट्रोल ज्वनावःगु ट्यांकर त्रिशूली खुसिइ कुतुंवनाः मिँ च्याःगु दु ।

येँपाखे वयाच्वंगु ना४ख २८२२ ल्याःया ट्यांकर धादिंग जिल्लाया गल्छी गाउँपालिका ६ चरौदीया सुत्केरी डाँडापाखें थ्यंमथ्यं ६०० मिटर क्वय् त्रिशूली खुसिइ कुतुंवनाः मिँ च्याःगु खः ।

जिल्ला प्रहरी ज्याकुथि धादिंगया कथं दमकलया ग्वाहालिं मिँ स्याःगु खः ।

खुसिइ कुतुंवंगु ट्यांकरया छुं भाग खनेदूगु दु । आः उद्धार ज्या जुयाच्वंगु जिल्ला प्रहरी ज्याकुथि धादिंगं जानकारी ब्यूगु दु ।

ट्यांकर चालक व सहचालक प्रहरीया सम्पर्कय् वःगु दु ।

Categorized in दुर्घटना-अपराध