1142 nhoo dan adv

तुंथिया लखय् मि च्यात !

२०७२ बैशाख ७, सोमबार १०:२७:५६

चीनया साक्सी प्रान्तया अन्साइ गामय् त्वनेगु लःया निंतिं आपालं ध्यबा फुकाः तुं खन । तर उगु तुंपाखें त्वनेज्यूगु लः धाःसा मवल । अनं वःगु लः ग्यास व पेट्रोल नवयाच्वन । मि तयेबलय् ला लःद्यःने ह्वाराक्क हे मि च्यात ।

स्थानीयतय् धापू कथं लिक्कस दुगु छगू पेट्रोल पम्पपाखें दुनं दुनं ज्वःगु पेट्रोलं यानाः थथे लः प्रदूषित जूगु खः । तर पेट्रोल पम्पया थुवालं धाःसा थुकियात माने यानाच्वंगु मदु ।

चीनया स्थानीय अधिकारीतय् धापू कथं भूमिगत चिकंया भण्डार ७५० निसें ४५०० मिटर दथुइ जुइ । तर थन तुं खंबल ४६ मिटरसिबें अप्वः तःजाः मजूगुलिं थ्व प्राकृतिक चिकंया भण्डार जुइमफुगु खँ धाःगु दु । थुकिया बारे अन सरकारी तवरं अनुसन्धान न्ह्याकेधुंकूगु दु ।

कारखानापाखें वइगु रसायनपाखें यानाः चीनया ७० प्रतिशत खुसि व ताल दूषित जुयाच्वंगु दु ।