zero media family planning adv

तीनथानाय् ट्रक दुने सामूहिक बलात्कार, स्वम्ह गिरफ्तार

नेवा: अनलाइन न्युज | २०७६ चैत्र ५, बुधबार ११:२३:५४

येँया चन्द्रागिरी नगरपालिका–१५ वडा तीनथानाय् दिकातःगु छगः ट्रक दुने मिसामचा बलात्कृत जूगु दु । घटना जुइधुंकाः प्रहरीं उकी दुथ्याःपिं स्वम्ह मिजंतय्त गिरफ्तार याःगु दु ।

तीनथानाया सतक सिथय् पार्किङ्ग यानाः तयातःगु ना३ख ६९४ ल्याःया ट्रक दुने १७ दँ दुम्ह मिसामचायात सामूहिक बलात्कार याःगु खः ।

महानगरीय प्रहरी वृत्त थानकोटया प्रमुख डिएसपी घनश्याम श्रेष्ठं मिसामचा बलात्कारय् दुथ्याःपिं स्वम्हेसित तत्काल नियन्त्रणय् कयागु जानकारी ब्यूगु खः ।

गिरफ्तारीइ लाःपिं राप्ती गाउँपालिका–१ दाङ स्थायी ठेगाना जूम्ह २४ दँया संजय घर्तीमगर, सिन्धुली सुनकोशी गाउँपालिका–९ या १९ दँया पासाङ तामाङ व गोकुलगंगा गाउँपालिका–२ रामेछापया १९ दँया कपिल खड्का खः ।

गिरफ्तारीइ लाःपिं स्वम्हेसित थप अनुसन्धान जुयाच्वंगु प्रहरीं जानकारी ब्यूगु दु ।

Categorized in दुर्घटना-अपराध