नेवा: अनलाइन न्युज | २०८० आश्विन १, सोमबार १२:०८:३९

पाल्पाय् छम्ह मिजंया हत्या जूगु दु ।

तीजया लसताय् जूगु नाचगानय् मिजंतदथुइ ल्वापु जुयाः तिनाउ गाउँपालिका २ दोभान घोंडोबासया २४ दँया सुनिल खत्रीया हत्या जूगु जिल्ला प्रहरी ज्याकुथि पाल्पां जानकारी ब्यूगु दु ।

जिल्ला प्रहरी ज्याकूया सुचं अधिकारी प्रहरी निरीक्षक सन्तोष चन्दया कथं आइतवाः चान्हय् १२ः३० ता इलय् उम्ह मिजंयात चक्कु प्रहार जूगु खः ।

तच्वकं घाःपाः जूम्ह खत्रीयात वासः यायेगु नितिं लुम्बिनी प्रादेशिक अस्पतालय् यंकूगुखःसा चान्हय् १ः४५ ता इलय् चिकित्सकपिन्सं सीधुंकूगु घोषणा याःगु खः ।

मिसापिं प्याखं ल्हुयाच्वंगु इलय् मिजंपिं दथुइ ल्वापु जूगु खः । वहे विषययात कयाः हाकनं ल्वापु जूगु सीदूगु दु । ल्वापुं उग्ररुप कायेधुंकाः चक्कु प्रहार जुयाः उम्ह मिजं सीगु प्रारम्भिक अनुसन्धानपाखें सीदूगु चन्दं धाःगु दु ।

हत्याया द्वपनय् प्यम्ह मिजंपिन्त प्रहरीं नियन्त्रणय् काःगु दु । तर, प्रहरीं थप विवरण सार्वजनिक याःगु मदुनि ।

जिल्ला प्रहरी ज्याकुथि पाल्पाया प्रमुख प्रहरी उपरीक्षक हेरम्ब शर्मालिसेंया पुचः घटनास्थलय् थ्यंकाः थप अनुसन्धान जुयाच्वंगु प्रहरीं जानकारी ब्यूगु दु ।

Categorized in दुर्घटना-अपराध