prabhu baink new

तिनकुनेया तरकारी बजारं ४२ बोरा प्याज जफत

नेवा: अनलाइन न्युज | २०७७ आश्विन १, बिहिबार १०:५१:४२

येँ महानगरपालिकाया उपभोक्ता हित संरक्षण समिति तिनकुनेया छगू तरकारी बजारय् ४२ बोरा प्याज जफत यानाः  प्रहरीया जिम्मा ब्यूगु दु ।

तीनकुनेया हरितगृह तरकारी बजारय् बिहीबाः सुथय् छड्के अनुगमन यायेगु झ्वलय् व्यापारीतय्सं सुचुकातःगु प्याज बरामद याःगु खः।

विशेष गौतमया पसलं २९ व उन्नत सब्जी भण्डार पाखें १३ बोरा प्याज जफत याःगु खः ।

अथे हे उगु हे तरकारी बजारं थिकेक प्याज म्युगुलिं दुलाल आलु प्याजया सञ्चालकयात समिति कारबाही यायेत सिफारिस याःगु दु ।

भारतं प्याज निर्यात बन्द यायेवं नेपाःया बजारय् व्यापारीतय्सं प्याजया कृत्रिम अभाव सिर्जना याःगु खः ।

Categorized in बजाः