swastha 3

तालिवानया राज जुइधुंकाः पाकिस्तानया ध्यान काश्मिर

नेवा: अनलाइन न्युज – ललेन्द्र शाक्य | २०७८ भाद्र २९, मंगलबार १२:४४:१६

पाकिस्तानया साथ दूगु तालिवानं अगस्त १५ य् अफगानिस्तान कब्जा यायेत ताःलाःगु खः । थुगुखुसि अमेरिकायात परास्त यायेत पाकिस्तानं तालिवानयात दुग्यंक साथ ब्यूगु संचारमाध्यमय् चर्चा परिचर्चा जुयाच्वंगु दु ।

पाकिस्तान आः काश्मिरपाखे थःपिनिगु निशाना दयेकाच्वंगु टाइम्स अफ इन्डियां च्वंगु दु । पाकिस्तानं आइतवाः भारतविरुद्ध १३१ पृष्ठ ताःहाकःगु दस्तावेज तयार यानाः सार्वजनिक याःगु दु । उगु दस्तावेज पाकिस्तानया विदेशमन्त्री शेख मोहम्मद कुरेशीं पत्रकार सम्मेलन यानाः सार्वजनिक याःगु खः ।

पाकिस्तानं तयार याःगु दस्तावेजय् भारतं काश्मिरय् मानवअधिकार हनन याःगु व आतंकवादी संगठन आइएसयात संरक्षण बियाच्वंगु द्वपं ब्यूगु दु ।

पाकिस्तानी विदेशमन्त्रीया प्रवक्ता असिम इफतिकारया धापूयात उदृत यासें टाइम्स अफ इन्डियां च्वःगु दु, ‘भारतं काश्मिरय् आइएसयात संरक्षण बियाच्वंगु दु । आइएसया क्याम्प गुलमार्ग, रायपुर, जोधपुर, चक्राता, अनुपगढ व बिकानेरय् दु । व, इमित भारतं संरक्षण बियातःगु दु । भारत संरक्षित आइएसं वइगु दिनय् स्वतन्त्रताया नारा अन्तर्राष्ट्रिय आतंकवादी संगठनलिसे लगेयायेफु ।’

पाकिस्तानं तालिवानयात समर्थन याःगु तकं धाःगु दु । पाकिस्तानी विदेशमन्त्री कुरेशीया कथं काश्मिरी नेता सइद अली गीलानीया हत्या जुइधुंकाः भारतविरुद्ध पाकिस्तान सरकारं दस्तावेज पिकाःगु धाःगु दु । भारतं चीनयात काउन्टर बिइत प्रत्येक क्षेत्रय् थःपिनिगु प्रभुत्व जमेयायेत स्वयाच्वंगु दस्तावेजय् धयातःगु दु । काश्मिर मामलाय् पाकिस्तानं अतिकं च्यूताः तयाः वयाच्वंगु दु ।

Categorized in अन्तर्राष्ट्रिय