nepal investment baink

तालिवानं अफगानिस्तानया मू स्वंगू सहर कब्जा यायेगु कुतः

नेवा: अनलाइन न्युज – ललेन्द्र शाक्य | २०७८ श्रावण १७, आइतबार १०:४२:०९

अफगानिस्तान सैनिकया नियन्त्रणय् दूगु मू स्वंगू सहर तालिवान पुचलं कब्जाय् कायेत्यनेधुंकाः निगू पक्षदथुइ ल्वापु जूगु दु ।

अफगानिस्तानया पश्चिम व दक्षिण् क्षेत्रय् च्वंगु हेरात, लस्करगाहा व कान्दाहारय् तालिवानं कब्जाय् कायेत्यने धुंकाः ल्वापु जूगु खः ।

वइगु सेप्टेम्बरतकया दुने अफगानिस्तानपाखें फुक्क विदेशी सेना पिहाँ वनेगु घोषणा जुइधुंकाः तालिवान पुचलं आक्रमण तीव्र याःगु खः । तालिवानं ग्रामीण क्षेत्रय् कब्जा यायां वयाच्वंगु दु । अयसां मू सहरत धाःसा अफगान सेनाया हे नियन्त्रणय् लानाच्वंगु दु ।

निगू पक्षया ल्वापुया हुनिं अफगानिस्तानय् तच्वकं मानवीय संकट वयेफूगु चिन्ता प्वंकूगु दु ।

अमेरिकाया छगू संस्था साइगरं अफगानिस्तानया आःया अवस्थाय् सुधार मजूसा सरकारया अस्तित्व संकटय् लायेफूगु रिपोर्ट सार्वजनिक याःगु दु ।

Categorized in अन्तर्राष्ट्रिय