1142 nhoo dan adv

तलेजुया वाहन तुयु सल जात्रा क्वचाल

नेवा: अनलाइन न्युज – निश्चल | २०७८ आश्विन ३०, शनिबार ०८:२५:३२

धार्मिक व सांस्कृतिक महत्वया तलेजुया वाहनया कथं कयातःम्ह तुयु सलया जात्रा वंगु चान्हय् ख्वपय् क्वचागु दु ।  थ्व जात्रा दँय ँएकादशिया चान्हय् यायेगु याइ ।  

जात्राय् तलेजु भवानीयात तलेजुया मूल नाइके, आचाजु, जोशी, राजोपाध्याय पाखें तान्त्रिक विधि कथं कालरात्रि पूजा, टीका साइतया पूजा विर्सजन याये धुंकाःजात्रा यायेगु परम्परा द ु । जात्रा जुइ न्ह्यः तुयुम्ह सल यात फै छम्ह बलि बिइगु चलन दु ।

सलयात मूचुक पाखें निने हये धुंका नगरया क्वयया दरबार लागा खौमा, इटाछें, भार्वाचो, वंशगोपाल, भुजीकोखा, नारायणचोकया लिसें  च्वयेया दरबार लागा खिछें, चोछें, भोलाछें, थालाछें, गोलमढी, सुकुलढोका व टौमढी चाहिका जात्रा क्वचायेकुगु खः ।

लायकु दरवारय् पशुपतिनाथ द्यः या न्ह्यःने स्वचाः सल यात चाहिकेगु नं याःगु खः । 

Categorized in स्थानिय-समाज