coved ad

तरुण दल क्षेत्र ल्याः १० या पुलांम्ह सभापति प्रमेश महर्जन मन्त

नेवा: अनलाइन न्युज – ललेन्द्र शाक्य | २०७८ पौष २५, आइतबार १०:१३:२६

किपू नगरपालिका ८ वडा पांगाया समाजसेवी, राजनीतिकःमि प्रमेश (महेन्द्र) महर्जन शनिवाः सनिलय् आकाझाकां मन्त ।

छुं नं ल्वचं पीडित मजूम्ह प्रमेश महर्जन शनिवाः सनिलय् हृदयघात जुया मदूगु खः ।

छम्ह न्ह्यू ख्वाःवःम्ह, मिलनसारम्ह राजनीतिकःमि व समाजसेवी कथं कयातःम्ह मदुम्ह प्रमेश महर्जनया अन्तिम संस्कार थौं आइतवाः सुथय् भाजंगालय् च्वंगु विष्णुदेवी दिपय् जूगु दु ।

अन्तिम संस्कारया नितिं थौं आइतवाः सुथय् पांगाया बसपार्कय् मुनाः दिपय् तक शवयात्रा यानाः अन्तिम संस्कार याःगु खः ।

मदुम्ह प्रमेश (महेन्द्र) महर्जन नेपाल तरुण दल क्षेत्र ल्याः १० या पुलांम्ह सभापति खः । अथेहे, वय्कः नेपाली कांग्रेस क्षेत्र ल्याः १० या निवर्तमान दुजः नं खः ।

Categorized in नेवाः