zero media family planning adv

तमिल अभिनेत्री विजया लक्ष्मीं आत्महत्याया कुतः यात

नेवा: अनलाइन न्युज – ललेन्द्र शाक्य | २०७७ श्रावण १३, मंगलबार १०:५३:३०

बलिउड फिल्म उद्योगय् आत्महत्यालिसे स्वानाच्वंगु विषयत आः पिहाँ वयेगु क्रम अप्वःगु दु ।

तमिल फिल्मया अभिनेत्री विजया लक्ष्मीं नं आत्महत्या यायेगु कुतः यानाः अस्पतालय् तकं भर्ना जूगु बुखँ पिहाँ वःगु दु । विजया लक्ष्मी चेन्नाईया छगू अस्पतालय् भर्ना जूगु खः । थ्वसिबें न्ह्यः वयात सीमान व हरि नाडरया फलोअर्सयात उत्पीडन याःगु द्वपं तकं लाःगु खः ।

विजया लक्ष्मीं थःत ब्यूगु द्वपंया छगू भिडियो तकं सेयर यासें वया उगु भिडियो लिपांगु जूगु धाःगु खः । विजया लक्ष्मीं थःगु भिडियोय् च्वःगु दु, थ्व जिगु लिपांगु भिडियो खः व सीमान व वया पार्टीया कार्यकर्ताया हुनिं लिपांगु इलय् प्यला न्ह्यःनिसें तनाबय् दु । जिं थः केहेँ व मांया नितिं म्वानाच्वनेगु कुतः याःसां नं आः हरिनाडरं मिडियाय् जिगु अपमानित याःगु दु ।

थ्वसिबें न्ह्यः विजया लक्ष्मीं ब्लड प्रेसरया वासः नयाच्वंगु, छम्ह मिसाया रुपं थःगु क्षमतां नापं ल्वानाच्वंगु व आः वासः नं कःघाये मफूगु धाःगु दु ।

विजया लक्ष्मीं बिगबोस ज्याझ्वलय् नं थः केवल मृत्युया आशाय् च्वनागु धासें डिप्रेसनलिसे ल्वायेत असमर्थ जूगु धाःगु खः ।

Categorized in कला