zero media family planning adv

डा. बाबुराम भट्टराई दिल्लीया अस्पतालय् भर्ना

नेवा: अनलाइन न्युज – ललेन्द्र शाक्य | २०७७ फाल्गुण ११, मंगलबार १२:१२:१८

उसाँय् वासः यायेगु नितिं भारतया न्हूदिल्ली थ्यंकूम्ह नेपाःया पूर्वमाओवादी नेतालिसें पूर्वप्रधानमन्त्री अथेहे थौंकन्हय् जनता समाजवादी पार्टी (जसपा)या संघीय परिषद् नायः डा. बाबुराम भट्टराई अस्पताल भर्ना जूगु दु ।

डा. भट्टराई थौं मंगलवाः सुथय् ९ ता ईनिसें भारतया दिल्लीइ च्वंगु यकृत एवम् पित्त विज्ञान संस्थान (आईएलबीएस) अस्पतालय् भर्ना जूगु खः ।

डा. भट्टराईया ग्वाहालिमि लिसें जसपाया केन्द्रीय दुजः विश्वदीप पाण्डेया कथं थौं मंगलवाः न्हिच्छि अस्पतालय् तया: माःगु फुक्क परीक्षण याइगु जूगु दु ।

डा. भट्टराई थःगु उसाँय् वासः यायेगु नितिं वंगु आइतवाः दिल्ली थ्यंकूगु खः । वय्कः ताःईनिसें प्वाः सम्बन्धी समस्यापाखें पीडित जुयाच्वंगु खः । थ्वसिबें न्ह्यः डा. भट्टराई नं येँय् हे परीक्षण व वासः यानाः वयाच्वंगु खः ।

चिकित्सकपिन्सं न्यूरो इन्डोक्राइनया ट्युमर जूगु आशंका यानाः सल्लाह व सिफारिस यायेधुंकाः वासः यायेत दिल्ली थ्यंकूगु डा. भट्टराईया सचिवालयं जानकारी ब्यूगु दु ।

Categorized in राजनीति