Arin Enterprises

डा.अनुजा गुरुमा म्हमफुत

नेवा: अनलाइन न्युज | २०७९ कार्तिक २४, बिहिबार १८:२०:०९

थेरवाद बुद्धधर्मया नांजाःम्ह गुरुमां डा. अनुजा गुरुमां छुं दिं न्ह्यःनिसें म्हं मफूगु दु ।

किपूया चोभाःया नांजाःगु सुलोचन कीर्ति महाविहारया कजि जुयाः ज्या यानाः बिज्यानाच्वनादीम्ह डा. अनुजा गुरुमांयात निला न्ह्यः क्वँय्या क्यान्सर जूगु खःसा वासः यायेगु नितिं वसपोल गुरुमां भारतय् ताःई च्वनाः बिज्यानाः येँय् बिज्याःगु खः ।

वसपोलयात किमोथेरापी बियाः वासः यायेगु यानाच्वंगु जानकारी वसपोलया उपासिका सजन मानन्धरं बियादीगु दु ।

क्यान्सर ल्वय् क्वलाकेगु नितिं किमो कायेगु अन्तिम चरणय् थ्यंगु खँ नं उपासिका मानन्धरं जानकारी बियादीगु दु ।

म्हं मफुम्ह डा. अनोजा गुरुमां थ्व इलय् सुलोचन कीर्ति विहारय् आराम यानाः च्वनाबिज्यानाच्वंगु दु ।

क्यान्सरयात क्वतलेगु नितिं छन्हु निन्हु दुने हे लिपांगु वासः क्वचायेवं वसपोल गुरुमांयात पिने देसय् यंकाः वासः यायेगु तयारी यानाच्वंगु दु ।

Categorized in नेवाः