ad prabhu

डब्ल्यूएचो प्रमुखयात हिंसाया छगू पक्षयात ग्वाहालि याःगु द्वपं

नेवा: अनलाइन न्युज – ललेन्द्र शाक्य | २०७७ मङ्सिर ५, शुक्रबार १६:००:३४

इथियोपियाया सेना प्रमुख जनरल बेरहानु जुलां विश्व स्वास्थ्य संगठन (डब्ल्यूएचओ)या प्रमुख टेडोज आडानोम गेब्रियससयात हिंसायात ग्वाहालि याःगु द्वपं ब्यूगु दु ।

इथियोपियाया टिग्री विद्रोहीपिन्त टेडोजं कूटनीतिक व ल्वाभः उपलब्ध याकेगु ज्याय् ग्वाहालि याःगु सेना प्रमुख जुलाया द्वपं दु ।

डब्ल्यूएचओया प्रमुख टेडोज टिग्रेयान समुदायया खः । व विगतय् टिग्रेस पिपल्स लिबरेशन फ्रन्ट टीपीएलएफ नेतृत्वया सरकार जूबलय् स्वास्थ्यमन्त्री तकं जूगु खः । उकिं यानाः नं टेडोजयात गम्भीर द्वपं ब्यूगु खः । बिहिवाः टेलिभिजनय् न्वःवासें सेना प्रमुख जुलां टेडोजयात विद्रोही समूहया दुजः जूगु तकं धाःगु दु ।

जुलां टीपीएलएफ विद्रोहीपिन्त सैन्य कारवाही याःगुया भत्सर्ना यायेत जलाखला देसतलिसे जानाः ज्या याःगु व ल्वाभः तकं उपलब्ध याकाः वयाच्वंगु द्वपं ब्यूगु दु ।

Categorized in अन्तर्राष्ट्रिय