Header Nepal rastra bank Adv

ट्वीटरय् दयेकूगु न्ह्यइपूगु रेकर्डत

नेवा: अनलाइन न्युज | २०७१ चैत्र १८, बुधबार २३:१३:४७

थौंकन्हय् सोसियल नेटवर्क साइटत तसकं हे लोकं व्हानाच्वंगु दु ।  थुज्वःगु हे सोसियल नेटवर्क साइट ट्वीटर नं खः । गुलिसित फेशबुकय् स्टेटस अपडेट मयासे न्ह्यः हे मवःगु जुइफुसा गुलिसिया ट्वीट यायेथें न्ह्यइपूगु मेगु मदयेफु । ट्वीटरय् १४०गः आखःजक ट्वीट याये छिं । अय्जुयाः हे थुकियात ईन्टरनेटं छ्वयेगु एसएमएस नं धायेगु याः ।
माईक्रो व्लगिङ ट्वीटरया स्थापना सन् २००६स ज्याक डोर्शें याःगु खः । अडियो भिडियो सम्वन्धी ज्या याइगु ओडियो ९यमभय० कम्पनीइ सञ्चार आदानप्रदान यायेगु आज्जुं ट्वीटरया विकास जूगु खः ।
ट्वीटरपाखें हे मनूतय्सं थी थी कथंया रेकर्ड तःगु दु । उज्वःगु हे छुं रेकर्डत थुकथं दु :

१. अमेरिकाया जोसेपm क्यासवेलं १ मिनेटय् ६२ ट्वीट यानाः विश्व रेकर्ड तःगु दु । क्यासवेल स्वयां न्ह्यः अष्ट्रेलियाया माईकल विलसनं १ मिनेटय् ४८ ट्वीट यानाः रेकर्ड तयातःगु खः ।

२. फ्लोरिडाया जोन गार्डेनरं १ मिनेट ३८.१३ सेकन्डय् १२६ फलोअरतय्त एप्रुभ यानाः विश्व रेकर्ड तःगु खः ।

३. क्यालिफोर्नियाया टेलर होलिडें १३.१ सेकेन्डय् "I"m trying to set a world record with @URDB and @powerbalance धकाः  मोवाईलं च्वयाः चीहाकःगु इलय् ट्वीट याःम्ह मनू कथं विश्व रेकर्ड तःगु खः । सप्टेम्वर ६, २०१०य् होलिडे नं उगु विश्व रेकर्ड तःगु खः ।

४. भारतया डा. कृष्ण शर्मां ट्वीटय् “मां” खँग्वःयात ४० देय्या भाषां च्वयाः विश्व रेकर्ड तःगु दु । सन् २०१२ अगस्त २९य् शर्मां उगु विश्व रेकर्ड तःगु खः ।