coved ad

ट्री ईन्टरटेन्टमेन्टं बिहिवाः नेपालभाषा म्यूजिक भिडियो ‘धाये मफुत...’ पितब्वज्या याइगु

नेवा: अनलाइन न्युज – ललेन्द्र शाक्य | २०७८ मङ्सिर २२, बुधबार १३:३५:०७

किपूया नांजाःम्ह म्येहालामि विश्व नेपाली व अस्मिता परियारं हालातःगु ‘माया पिरेम...’ बोलया म्येया बिग बजेट कथं दयेकूगु म्यूजिक भिडियो धुंकाः आः वयाः ट्री ईन्टरटेन्टमेन्टं नेपालभाषाया ‘धाये मफुत...’ बोलया म्येया म्यूजिक भिडियो पिथनेत्यंगु दु ।

उगु नेपालभाषाया ‘धाये मफुत...’ म्येया म्यूजिक भिडियो येँया दरबारमार्गय् च्वंगु Qs Cimemas, Rising Mall य् ने.सं. ११४२ थिंलाथ्व खस्थि (मंसीर २३ गते) बिहिवाः न्हिनसिया २ ता इलय् चिखिफ्यने ज्याझ्वः जुइगु जानकारी ग्वसाः खलः ट्री ईन्टरटेन्टमेन्टं जानकारी ब्यूगु दु ।

दिनेश दर्शनधारी व यशोदा राईया निर्माणय् माइकल चन्दं निर्देशन यानादीगु उगु म्यूजिक भिडियोय् देलविश दर्शनधारी, राज रोहन तुम्बाहाम्फे, प्रथम कार्की, उषा उप्रेती, कविता नेपाली व स्मारिका ढकालपिनिगु अभिनय दुथ्यानाच्वंगु दु ।

दिपक नेपालीया च्वसां पिज्वःगु ‘धाये मफुत...’ म्येय् बाबुल गिरीं लसय् हनादीगु दु ।

उगु ‘धाये मफुत...’ म्येया म्यूजिक भिडियो चिखिफ्यने ज्याझ्वःस सकलसित सहभागिताया नितिं ग्वसाः खलः व म्यूजिक भिडियो पिकाकः ट्री ईन्टरटेन्टमेन्टं इनाप याःगु दु ।

Categorized in कला