nepal life 2076 3 18

टोकिया ओलम्पिक : दकले न्ह्यःने चीन, जापान व अमेरिका ल्यूने

नेवा: अनलाइन न्युज – ललेन्द्र शाक्य | २०७८ श्रावण १५, शुक्रबार ०९:०७:३९

जापानय् जुयाच्वंगु गृष्मकालीन टोकियो ओलम्पिकय् पदक तालिकाय् चीन दकले न्ह्यःने लानाच्वंगु दु । ओलम्पिकया खुन्हुया दिं थ्यंबलय् चीन १५ स्वर्ण, ७ रजत व ९ काँस्य पदकया लिसें शीर्ष स्थानय् लायेत ताःलाःगु दु ।

समान १५ स्वर्ण पदकया लिसें जापान निगूगु थासय् दु । जापानं ४ रजत व ६ काँस्य त्याकूगु दु । अथेहे, अमेरिका १४ स्वर्ण, १४ रजत व १० काँस्यया लिसें स्वंगूगु थासय् लानाच्वंगु दु ।

रुस व अष्ट्रेलियां ८–८ स्वर्ण पदक त्याकूगु दु । बेलायतं ५ स्वर्ण पदक त्याकूगु दुसा कोरियां ४ स्वर्ण पदक त्याकूगु दु ।

दक्षिण एसियाली देसत मध्ये भारतं १ स्वर्ण पदक त्याकूगु दु ।

Categorized in कासा