टेलिभिजन अभिनेता समीर शर्मां यात आत्महत्या
नेवा: अनलाइन न्युज – ललेन्द्र शाक्य | २०७७ श्रावण २३, शुक्रबार ११:४१:१६
मनोरञ्जनया दुनियाँ स्वयेबलय् व भोगेयायेबलय् फरक जुइ । अन आपालं समस्यात व्याप्त दु गुकिं गम्भीर दुर्घटनाया खबर हयाच्वनी । आत्महत्याया घटना जुयाच्वनीगु क्रम निरन्तर जुयाच्वंगु दु । थुज्वःगु हे मेगु घटना जूगु दु ।
टिभीया दुनियाँय् चर्चित अभिनेता समीर शर्मां आत्महत्या याःगु दु । ४४ दँया उमेयरय् वं थःगु जिन्दगी क्वचायेकूगु दु । समीरया सीम्ह छेँय् हे किचेनया पंखाय् यःगायाच्वंगु अवस्थाय् लुयावःगु खः । तर, वं छाय् आत्महत्या यात धैगु विषयस आःतक लुइकेफूगु मदुनि । मेपिन्संथें वं छुं सुसाइड नोट त्वःताथकूगु मदु । समीर चीधंगु पर्दाया लोकंह्वाःम्ह कलाकार खः । निगू सिरियलय् ...ये रिस्ते हे प्यार के... व ...कहानी घर घर की...इ नं अभिनय याःगु खः ।
समीरं थ्वहे दँ जक फेब्रुअरीइ छेँ भाडाय् काःगु खः । बहनीया इलय् चौकिदार राउण्डय् ड्युटीइ दुबलय् समीर फ्यानय् यःगायाच्वंगु खनेधुंकाः वं फुक्कसित जानकारी ब्यूगु खः ।
निन्हु न्ह्यः समीरं आत्महत्या याःगु अनुमान प्रहरीं याःगु दु । आःतक गनं नं समीरया सुचं वःगु मदुनि ।
