coved ad

टेलिकमया निमित्त प्रबन्ध निर्देशकय् प्रतिभा वैद्य नियुक्त

नेवा: अनलाइन न्युज – ललेन्द्र शाक्य | २०७८ पौष २०, मंगलबार १७:००:४५

नेपाल टेलिकमया निमित्त प्रबन्ध निर्देशकय् प्रतिभा वैद्य नियुक्त जूगु दु ।

संचार व सूचना प्रीवधि मन्त्रालयपाखें प्रबन्ध निर्देशक पदया नितिं दरखास्त आह्वान जूगु तर आः उगु प्रक्रिया सम्पन्न जुइमफूगु अवस्थाय् वैद्ययात हे निमित्त प्रबन्ध निर्देशकया जिम्मेवारी ब्यूगु खः ।

कम्पनीया नायब प्रबन्ध निर्देशकया रुपं प्रमुख प्राविधिक अधिकृतया कार्यभार कःघाःनाः वयाच्वंम्ह वैद्यं पुस १९ गतेनिसें निमित्त प्रबन्ध निर्देशकया जिम्मेवारी कःघाःगु खः ।

न्हूम्ह नियुक्त निमित्त प्रबन्ध निर्देशक वैद्यं नेपाल सरकारया योजना व ज्याझ्वःयात ग्वाहालि जुइगु ज्याझ्वःयात सुथां लाकेत फुक्क पक्षपाखें ग्वाहालि जुइगु आशा काःगु दु ।

Categorized in लजगाः