prabhu baink new

टिपरया ठक्करं प्राईम टिभीया भिडियो सम्पादक अनिल गौतम मन्त

नेवा: अनलाइन न्युज – ललेन्द्र शाक्य | २०७७ भाद्र २७, शनिबार ११:२१:३१

प्राईम टाईम्स टेलिभिजनया भिडियो सम्पादक अनिल गौतमया सतक दुर्घटनाय् लानाः मन्त । ज्याकुथिपाखें छेँय् लिहाँ वनेगु झ्वलय् गौतम च्वनावंगु बा२९प १४७९ ल्याःया मोटरसाईकलयात प्रदेश ३ ०१क४५६३ ल्याःया टिपरं येँया तिनकुने मुनिभैरव कोटेश्वरय् ठक्कर नकाः गौतम घटनास्थलय् हे मदुगु खः । ५२ दँया गौतम ख्वपया कौशलटारय् छेँजःपिंलिसे च्वनाः वयाच्वंम्ह खः । वया स्थायी छेँ धाःसा येँया धुम्बाराही खः ।

गौतम ताःई न्ह्यःनिसें थीथी भिडियोय् ज्या सनाः वयाच्वंम्ह खः । गौतमयात येँया बानेश्वरय् च्वंगु सिभिल अस्पताल यंकूगु खः । तर, अस्पताल थ्यने न्ह्यः हे वया ज्यान वनेधुंकूूगु चिकित्सकपिन्सं जानकारी ब्यूगु खः ।

पोष्टमार्टमया नितिं गौतमया सीम्ह त्रि.वि. शिक्षण अस्पताल महाराजगञ्ज यंकूगु दु । अस्पतालय् प्राईम टिभीया नायः ऋषि धमला, सिईओ निर्जल श्रेष्ठ व सहकःमिपिं थ्यंकूगु खः ।

Categorized in दुर्घटना-अपराध