नेवा: अनलाइन न्युज – ललेन्द्र शाक्य | २०७७ पौष २४, शुक्रबार १२:१२:०४

बन्द जूगु झिला (१० महिना) लिपा कुस्तीया प्रशिक्षण हाकनं न्ह्याइगु जूगु दु । कोरोना भाइरसया महामारीया हुनिं वंगु दँ चैत्रनिसें बन्द जूगु कुस्तीया राष्ट्रिय कासामिया प्रशिक्षण वइगु माघया न्हापांगु वाःनिसें हाकनं सुरु जुइत्यंगु खः ।

महामारीया हुनिं कुस्तीया कासामि अभ्यास याये मखंबलय् निश्क्रिय जुयाः च्वनाच्वंगु खः । कुस्ती कासाया गतिविधि अप्वयेकेत कासामिया प्रशिक्षण न्ह्याकेत्यनागु नेपाल कुस्ती संघया महासचिव विद्यासागर पोखरेलं जानकारी ब्यूगु दु ।

पोखरेलं धाःगु दु, कुस्तीइ सामाजिक दूरी कायम यायेत सहज मजूबलय् मेमेगु कासाया सिबें प्रशिक्षण ज्याझ्वः लिपा लाःवंगु खः ।

स्वास्थ्य सुरक्षाया मापदण्ड छ्यलाः हे कासामिपिन्त प्रशिक्षण बिइगु पोखरेलं धाःगु दु । कुस्तीइ नेपालं १३ क्वःगु दक्षिण एसियाली खेलकुद सागय् मिसापाखे छगू जक स्वर्णपदक त्याकूगु खः । नेपाःया नितिं उगु पदक संगीता धामीं त्याकूगु खः ।

Categorized in कासा