coved ad

झिंखुला दुम्ह मचाया चक्कु प्रहारपाखें हत्या

नेवा: अनलाइन न्युज – ललेन्द्र शाक्य | २०७८ पौष २९, बिहिबार १०:५७:३०

स्याङ्जाय् चक्कु प्रहारपाखें झिंखुला (१६ महिना) दुम्ह मचाया हत्या जूगु दु । घटनाय् दुथ्याःगु द्वपनय् छम्हेसित प्रहरीं गिरफ्तार याःगु दु ।

वालिङ नगरपालिकाया भकुण्डेय् डेराय् च्वनाच्वंम्ह रनमाया गुरुङया काय् साइमन गुरुङया हत्या जूगु खः । हत्याया द्वपनय् गिरफ्तारीइ लाःम्ह जितेन्द्र गुरुङ नं वहे छखा छेँय् डेराय् च्वनीम्ह खः ।

घटनाय् झिंखुला दुम्ह मचा साइमनया तता न्यादँ दुम्ह साइना गुरुङ घाःपाः जूगु दु । ककुइ चक्कु प्रहार लिपा साइमनयात वासः यायेगु नितिं अस्पताल यंकूगु खः । तर, मचा सीधुंकूगु घोषणा चिकित्सकपिन्सं याःगु खः ।

घटना छाय् जुल धैगु विषयस प्रहरीं अनुसन्धान यानाच्वंगु जानकारी ब्यूगु दु ।

Categorized in दुर्घटना-अपराध